المشاعر

المشاعر بقلم يوسف المهدي ... لما نعمل حاجه لازم نعرف إيه هي، وليه بنعملها، وإيه هيفيدنا لما نعملها؟ سواء فايدة لينا أو فايدة لغيرنا، الشعر غرضه الأساسي إنه يطبطب، يداوي بالكلمة مشاعر أصحابها مش عارفين يخرجوها، يكون فاس في إيد الفلاح، ووردة في إيد المُحب، ومنديل في إيد المظلوم، أو اللي واقع عليه جرح أو حزن. الشعر لازم يتكلم بلسان الناس في مآسي مش قادرين يعبروا عنها ولا يتحملوها، يشرح معاناتهم مع ذكريات مش راضيه تبعدهم ولا عارفين يبعدوها.