الكتاب : مقتل الكومنداتور الكاتب : هاروكي موراكامي(ياباني) سنة الصدور : ٢٠٢٠ ترجمة : ميسرة عفيفي الملخص : رسام ياباني موهوب (لم يتم ذِكر اسم بطل العمل) يتمكن من رسم بورتريهات ويُظهر ف الصور المرسومة خبايا وأسرار عملائة التي لا يعلم عنها شيء اطلاقًا لكنه يتمكن من رسمها، ويخوض البطل تجربة العيش وحيدًا بعدما طلبت منه زوجته الأنفصال، ويسكن في بيت زميل دراسة له في منزل والده الرسام المشهور، ويكتشف هناك أحد الأعمال المختفية لوالد صديقة، ومن هنا تبدأ الأحداث الحقيقية.. - الحقيقة هاروكي موراكامي من الكُتّاب المميزين جدًا والي يقدر يشدّك من اول سطر لآخر سطر رغم انه من اكتر الكُتّاب الي بيتعمقوا ف التفاصيل والنقلات السريعة بين المشاهد، بس ده بيحصل بتلقائية وسلاسه رهيبة لدرجة انه هيخليك تضحك وانت بتقرأ وعارف انه بيمُط الأحداث، لكنك هتكون راضي جدًا عن ده ومعندكش أي مشاكل معاه.. - نهاية الرواية مفتوحة وغريبة وده تمهيد للجزء القادم الي واضح انه هيتكلم ويركّز اكتر علي حياة الرسام والد صديق بطل الرواية، والي كان ليه أحداث وأسرار مهمة ومثيرة وغير واضحة في النمسا أثناء الحرب العالمية الثانية.. - وأكيد ف انتظار الجزء القادم بفارغ الصبر.