"ريڤيو عن رواية الأرقم 2"
الكاتب : محمد صاوي
عدد الصفحات : 366
دار النشر : دار نون للنشر والتوزيع
غلاف الرواية : جميل جدا وبناسب لإحداث الرواية واللي هيقراء الرواية او قرائه الروايه هيفهم مغذي الغلاف
فكرة الرواية : الرواية بتكلم عن الصراع الابدي بين ابن أدم والشيطان والكاتب عرف يوصل دا كويس اوي وبين شر ابن أدم منذ خلقت الدنيا والخير والطريق الصح ديما بيكون أمامه بس الشيطان بيحاول بأساليبه يضله عن الطريق الصحيح والأحداث التاريخيه اللي جت في الرواية مش كلها صح والكاتب قال كده في اول الرواية
نطباعي عن الرواية : دي اول قراءتي للكاتب محمد صاوي هي الأرقم و الأرقم 2 في بعض السلبيات بس دي هتكلم عنها في النقطه بتاعة السلبيات فكرة الرواية مش جديده لاكن اتعرضت في الرواية بشكل جديد ميخلكش تزهق ولا تمل من الرواية الكاتب محمد صاوي عرف كويس جدا يوصل فكرة الرواية والمشهد الأخير هو الأعظم علي الإطلاق والمشهد بعد الكهف في اخر الروايه لما كل ابطال الرواية كانه موجودين مع بعض والرواية ليها جزء ثالث ومنتظره بشده والجزء الأول الأرقم كان عباره عن انه بيمهد لكل اللي هيحصل في الجزاء التاليه
السلبيات : نقطتين
1- معجبنيش في الروايه إننا ذكرنا عيلة جابر العطار بس في اول 53 صفحه بس من حجم الرواية الي هو 366 صفحه عكس الجزء الأول من رواية الأرقم كان كله عن عيلة العطار وبعد كدا بدء يظهر شخصيات جديده ومفيش اَي اعتراض للشخصيات دي بس كان ممكن كل فتره ترجع تفكرنا بيهم غير انك قطعت عندهم في مشهد يخلي اللي بيقراء يكون متشوق هيحصل ايه بعد الحدث دا لاكن ظهور عيلة جابر العطار أتأخر اوي اوي اوي جه اخر الرواية وتحديدآ في الفصل الـ11 في صفحة رقم 302
2- معجبنيش برضو في الرواية جمله "صرخت او صرخ حتي مزق أحباله الصوتيه" اتكررت كتير اوووووووي كان ممكن تنوع بس التكرر دا وصلي احساس لما اشوف كلمة صرخت او صرخ عرفت الجمله اللي بعديها ايه
المميزات : بغض النظر عن النقطتين اللي قلتهم في السلبيات بس بصراحه الرواية كلها مميزات التفاصيل وسرد الأحداث وتصميم الشخصيات والوصف وربط الأحداث كان فوق الرائع إحساسك وانت بتقراء بين انك قرفان ومكهور ومصدوم ومش مستوعب ان في شخصيات كدا محمد صاوي عرف يوصلي الأحساس دا بظبط
إعمال الكاتب محمد صاوي : "الأرقم - الأرقم 2 - بهطيش : العقد السفلي - مدينة الرؤوس المعلقة من (سلسلة الأرشيف) - سجين البرزخ - أرض الخراب من (سلسلة الأرشيف)
"اقتباسات من رواية الأرقم 2"
"الإله هو من يستطيع أن يهب من يريد الخلود.. ولكن، ما هو الخلود؟ أن يعيش المرء حتى الموت؟ أم أن يموت حتى يعيش؟!"
"كنز لا مجد ولا نافع، لمن ظلم، لمن سرق، لمن قتل ولمن كفر، ولو أخذ الكنز بشر، فنسل من نسل سارق، سبعة عددهم، لا يحددهم هو، يحددهم القدر.. من غير النسوة، وإن كان، فالنساء يحرسن، والرجال يدفنون عند بدور القمر"
"موتك بداية لن تحدث، وظهورك بداية حتمية، والنهاية قريبة!"
"الوهم! الأذكياء فقط هم من يستغلون الوهم، شيء لا يراه أحد، ولا أحد غير الذي يستخدم الوهم يراه.. فبالوهم تصنع إلها.. إلهآ يجعل الجميع يتبعك، لترتقي إلى مراتب لا تستحقها، فقط كل هذا يبنى على وهم إله وهمي! من ذا الذي يقول أن هناك إلهآ خلق الجميع ولم يظهر سوى الوهم؟! ونحن لن نتخذ الوهم عدوا، بل أعدائي الذين لم أغفر لهم، هم هؤلاء الناس الذين يدعون إلى إله الوهم.. فلا تتخذ إله الوهم عدوا، لأنه لا يوجد إله غيري»
تقيمي لرواية الأرقم 2 : روايه جميله جدا وتخدك في رحله مشوقه جدا وانصح بيها اَي حد بس لازم تكون قارئ الجزء الأول علشان تعرف تواكب الأحداث وتقيمي هو 4/5
