ستي قالتلي
ستي قالتلي بقلم Nesma Medhat ... المثل بيقول «أعز الوِلد وِلد الوِلد» وعشان كده جداتنا دايمًا ليهم أكبر تأثير في حياة كل واحد فينا، مش بس كانوا بياخدوا بالهم من أكلنا وكل ما جدتك تشوفك تأكلك عشان على كلامها «انت خاسس أوي ومابتاكلش كويس» لكن كمان هما خلوا حياتنا مختلفة بحواديتهم وحكاياتهم والأشهر أمثالهم. مع كل موقف أو حاجة عايزة توصلهالك تديك مثل شعبي … كلمتين بيلخصولك حكمة عظيمة بشكل عجيب، وطبعًا معظمنا معرِفش قيمة الأمثال دي أو معانيها غير لما كبر … ولأن في ثقافتنا المصرية والعربية في أماكن كتير بيتقال للجدة «سِتِّي»، فجمَّعت لكم في كتاب «سِتِّي قالتلي» أمثال كتيرة جدًّا مصرية وعربية بشَرْحَها البسيط والمواقف اللي مناسب تتقال فيها. أمثال موجودة في تراثنا الشعبي ومحفوظة في كتب وموسوعات الأمثال الشعبية على مرِّ التاريخ. ولأن سِتِّي قالت لي «مِن فات قديمه تاه» في الكتاب ده هنرجع نفتكر تراثنا ونفهمه بشكل بسيط وممتع
Author
![Nesma Medhat]()
Nesma Medhat
نسمة مدحت هى أم ومخرجة ومؤلفة وصاحبة مدونة "بيقولوا" لأصل الأمثال الشعبية، تخرجت نسمة من كلية الإعلام جامعة القاهرة ٢٠٠٧، وعملت بمجال الإخراج والإنتاج الفني، ومنها لعالم التسويق كمديرة تسويق.
بدأت صفحتها على الفيسبوك عام ٢٠١٤ بمجموعة برامج من أهمها سلسلة فيديوهات "بيقولوا" و "ألف ليلة وليلة".
أول أعمالها الأدبية كتاب "إللي إسمه إيه" في ٢٠٢٠ التي قامت بتحويله إلى بودكاست على المنصات المختلفة.
في ٢٠٢١ أصبحت نسمة رئيس تحرير موقع نسوي كبير تنشر من خلاله العديد من المقالات والمواضيع المختلفة.
تم استضافتها في عدد من برامج الراديو والتليفزيون عن مجموع أعمالها.