أولاد تسعة

أولاد تسعة بقلم Mai Mostafa ... في رحلتي للتعرف على نفسي، عديت على محطات كتير واتعلمت حاجات مختلفة، واللي من أهمها انياجرام الشخصية، فتَّح عينيا على عالم جديد يجاوبني على تساؤلاتي، وورَّاني مستوى مختلف من فهم النفس البشرية. اتعلمت من الانياجرام، واللي بيقسم الشخصيات ل٩ أنماط، إن ما حدش في ال ٩ أحسن من التاني. ما حدش فيهم له مكانة أو فضل أعلي من التاني. ال ٩ أنماط محتاجين لبعض ولو أي نمط فيهم مش موجود كان هيحصل خلل وقصور لا يُعَوَّض بحد من الباقيين. اتعلمت اننا مختلفين لكن مش متفرقين، اتعلمت ان كلنا ولاد تسعة وبنسعي، وفي سعينا ده محتاجين نفهم نفسنا والآخرين ونقبل اختلافنا ونحتوي فروقاتنا ونستوعب إننا بنكمل بعض. كتاب (أولاد تسعة) هو في الحقيقة رحلة لفهم أنفسنا والآخرين؛ رحلة للتغيير من حال "هي كده"، لحال "أنا اللي شايفها كده"، من حياة عايشها وانت متساق لحياة عايشها وانت صاحي ومدرك، وقادر تختار تكون انت السواق، رحلتك ورحلتي ورحلة كل واحد من ال ٩.