واية نياندرتال التجربة للكاتب سراج منير رواية فيها مزج بين الواقع والخيال العلمي او الفانتازيا بطريقة حلوة جدا. بتبدأ الرواية باتنين راجل وست ما يعرفوش بعض ومخطوفين على جزيرة غريبة وبيتعرضو فيها لمواقف مثيرة جدا بيخرجو منها بصعوبة كل مرة وبيكتشفو مع الوقت انهم تحت تجربة غريبة في كوكب تاني عايش فيه بشر من نسل انسان نياندرتال. في خلفية الاحداث دي بنتعرف على عمر وهو في المستشفى وبيحكي اللي حصله في صورة الرواية اللي بيقراها. بنشوف قصة حب مختلفة بتبدأ بكره وتحفز وتنتهي لمشاعر جميلة لمستني أوي يمكن أكتر من المكان الخيالي اللي هم مخطوفين فيه واللي الكاتب ابدع في رسمه وتخيله الرواية حبيتها اكتر من رواية الكاتب اللي سبقتها وهي ربيع الشتات يمكن عشان الخيال فيها معمول حلو اوي ومخلوط برومانسية تشرح القلب والعيب الوحيد بس اني حسيته استعجل النهاية شوية فكان اخر فصلين زحمة بالاحداث