مثل إيكاروس

رواية ممتعة

رواية جميلة جدًا، حماسية وشيقه للقراءه وفكرتها حلوه هي في المجمل بتعبر عن إن لو قربنا من الحقيقة أكتر من اللازم هنتحرق زي ما إيكاروس قرب من الشمس فساح الشمع من جناحه و مات في البحر، لو قربنا من الحقيقة، عرفنا بكره شايل أيه، عرفنا ايه المستقبل وايه الصح وايه الغلط، هننهار لأن الحاجات دي هتتعبنا، كل إللي عرف الحقيقه حياته مبقتش جنة، الرواية دي مش للناس إللي بتفكر كتير لأنها هتخليهم بيسألو كتير قوي كمان هي مش رعب قوي علي قد ما فيها مشاهد واضحة ومؤلمة، ومن الحاجات إللي حسيت إنها كانت غامضة جدًا هي حقيقة الدين للشخص إللي كان تايه في دينه ومش عارف أيه الصح من الغلط يمكن دي نقطه صعب نجزم فيها بس طول الرواية اتعرفنا علي شخصية إللي كان ضايع وبعدين بقي متدين وبعدين ضاع تاني ومعرفناش هو حصله ايه بعد ما عرف الحقيقة، في المجمل الرواية جميلة جدًا