سندريلا سيكريت

يرجى الإسراع

🌸 كتاب: سندريلا سيكريت 🌸 نوع الكتاب :تنمية بشرية 🌸 عدد الصفحات: 285 🌸 نبذة عن الكاتبة 🌸 - هبه السواح.. إسم ذاع سيطه خلال 3 السنوات الفائتة من خلال كتابها الأول سندريلا سيكريت وما حققه من نجاح ،لحقته بكورسات ودورات مختلفة اون لاين تكمل هدف الكتاب وتساعد الفتيات خاصة في نواحي شتي. 🌸 نبذة عن الكتاب 🌸 - أولا سأكون قصرت في حقه إن قلت عنه نبذه ولذلك فلنتفق أني لن أستطيع تغطية وإيجاز شتي مواضيع الكتاب. - سندريلا سيكريت هو رحلة ،رحلة لكل فتاة تريد أن تفهم نفسها أكثر وتواجهه نفسها بكل المعوقات والسلبيات التي قد تواجهها من نفسها قبل المجتمع ،رحلة لغوائر النفس فافهم نفسك أولا تعرف أين ستذهب. - الكتاب تضمن 10 فصول ،ومن ما جذبني في الكتاب إن كل فصل لآبد وأن يكون العنوان (أنا...) ،نوع من الاسقاط إن هذا الكتاب لي أنا 😊 - من أكثر ما جذبني.. التانكات ،،والكلبشات، الاجازه الالكترونية 🤔 - هم 7 تانكات،إن أردنا التوازن في حياتنا فلنملئ ال 7 تانكات بمعدل شبه متساوي قدر المستطاع ،فلا نزيد في تانك ونترك الاخر فارغا ( تانك مع ربنا ،تانك مع نفسي،تانك مع عيلتي واصحابي، تانك مع الزوج أو partner ، تانك مع المجتمع ،تانك.....) - الكلبشات 🙄 ،استخدمت الكاتبة كل معوق يؤخرنا علي الوصول لمرحلة السلام النفسي والتوازن الداخلي كلمة كلبش،و الجميل إنها ربطت كل كلابش بأميرة من أميرات ديزني ،فنقرأ كلبش سنووايت ،وكلابش ربانزل والتردد،وكلابش اريا والخوف،وكلابش بوكاهنتس واهتمامها بتانك الحب وكلابش سندريلا طبعا واللوم 😉 وليس فقط ذكر وشرح الكلبشات بل اضافت الحلول العملية الفعلية حتي نقاوم نوع الكلابش الذي لدينا أيضا. - الاجازة الالكترونية ،حيث سلطت الضوء علي أهمية ان نبتعد عن السوشيال ميديا بأنواعها والغرق في هذه التويتة وذلك التعليق وهكذا ،وناخذ فاصل كل حين حتي نستعيد توازننا مرة أخري ،،،وحقيقة ذلك ما فعلته خلال شهر يونيو 😊 - علي الرغم إني لست من أنصار الكتابات باللغه العامية ولا تستهويني كثيرا ،إلا إني وجدت استخدام اللغة العامية إضافة إلي روح الكتاب ،جعلت من مواقف كثيرة مضحكه وتخرجك من مود الإلقاء وكتب التنمية البشرية 😁 🌸 رأي الشخصي 🌸 - أقدر أقول إن سندريلا سيكريت ليه حكاية معايا 😊 ودا لأني جبت الكتاب أول مانزل من 3 سنين وبدأت بالفعل فيه والغريب إني محستش ساعتها نفسي فيه ،وانها بتتكلم علي نوع بنات تاني خالص أو بالأصح مش أنا في الوقت دا ،،وقولت ادي لنفسي فرصة بعد فترة يمكن أكون في زمرة الفتيات إلي بتوجع ليهم الكتاب ،،،وبالفعل قد كان ❤️ والي اقدر اسميه الوقت المناسب للكتاب. - وكانت رحلتي طويلة حبتين لأني قريته علي مدار 10 أيام ودا مابيحصلش عادة بس لأني احتاجت أفكر في مواضيع كتير من المطروحة بالاضافه لإعادة التفكير وتغير الطريق و مواجهه نفسي بحجات كتير 😁 واتمني بجد إني أكون استفدت واتغيرت إن شاء الله.. ولذلك من موقعي هذاا ادعوا كل البنات إنهم يدوا لنفسهم فرصة ويقروا يمكن يكون الوقت المناسب ليهم هم كمان ❤️ وأدعوا كل الرجال مافيش داعي خالص يقروه لأن في الغالب مش هيفهموا حاجه 😅 🌸 أهم الاقتباسات 🌸 1- ما ينفعش يبقي همك تكسبي كل الناس ومعندكيش مشكلة تخسري نفسك. 2- يبقي أول خطوة عليكي من هنا ورايح إنك تكلمي نفسك بطريقة حلوة زي ما بتكلمي صاحبتك كدا اما تغلط أو بتضعف. 3- الوقت الذي تستمتع باضاعته ليس وقتا ضائعا... برتراند راسل 4- الفضول هو دليلنا في سلوك طرق مختلفة وعوالم جديدة 5- مش كل مرة هااتعب فيها هتوصل للي إنت عاوزه،بس عمرك ما هتوصل للي عايزه من غير ما تتعب. 6- لو عندك إدمان زياده للفيس بوك مثلا يبقي محتاجة تفكري بالسلبيات والوقت الكتيير إلي بيضيع من يومك قدامه بلا هدف. 7- والخوف طبيعة فطرية في الجنس البشر كله ،وبالتالي الناس بتوع إلي يخاف ما يلعبش ويلا ندوس الخوف برجلنا ،،هم عايزين يغيروا فطرتهم ويدوسوا علي مكون أساسي من شخصيتهم. 8- الحدس هو الاحساس إلي ساعات بيجي جواكي من غير مقدمات يقولك أنا مش مرتاحة ،أنا مش مطمنة أنا حاسه إن في حاجه غلط. ودا الحدس وبيتبعت لما رسايل ،انما مين إلي يسمع؟ 9- نصبح نحن ما نفكر فيه ونعتقد به.. ايرل ناينتجيل 10- عادة إحنا بنفتكر الأثر بتاع الشخص أكثر ما بنفتكر الشخص نفسه ،حتي لو عمرنا ما شوفناه ،بتفضل باقيه سيرته مش عشان هو الاقوي ،ولكن عشان الأثر إلي سابه في الدنيا 11- الطريقة الافضل في إن تجد نفسك هي إن تضيع في خدمة الاخرين.. غاندي 12- لست نتاجا لظروفي ولكني نتاج قراراتي.. ستيفن كوفي

الخيال بانواعه حلوة خصوصا لما ياخد القراء لمكان خاص بخياله