محمد رجب من الكتاب الشباب اللي بحب اقرأ لهم و بيبان دايما في كتاباته التطور الملحوظ عن الكتاب اللي قبله بتقدر تعيش معاه في جو من الاثارة و بيقدر يشدك في معظم التفاصيل لدرجة انك هتلاقي صفحات كتيرة بتعدي وانت مش واخد بالك ! الفكرة تعتبر جديدة نوعا ما الذكاء الاصطناعي وسوء استخدام البشر له وده اللي ممكن يؤدي لكوارث غير محسوبة. الطابع البوليسي يكاد يكون موجود في كل رواياته و خصوصا هنا لأن بنتكلم عن فريق محققين مكون من ٣ أفراد تركيزه على التفاصيل مهم و دايما بستنى تفسير التفصيلة الصغيرة اللي بيرميها في الكادر الخلفي و يفسرها بعدها ب شوية كان في بعض الأخطاء الإملائية البسيطة، نهاية الرواية مكانتش مرضية بالقدر الكافي بالنسبة لي انا متفق ف إن مش دايما طرف الخير هيكسب و يتفوق لكن برغم إن عقاب جانب الشر كان شديد ف ابتعاد كل الناس عنه لكن كنت محتاج عقاب اكتر من كدة بشوية في بعض التفاصيل للوهلة الأولى كانت بتبقى مبهمة وتحتاج تقرأها اكتر من مرة بس في المجمل الرواية لذيذة جدا وفي انتظار الجزء الثاني ان شاء الله السنة الجاية و متأكد إن هيكون في تطور اكتر كالعادة من محمد رجب